احنا رايحين سيوة

الجنّة اللى فى وسط الصحراء

المكان اللى صعب تلاقى حد سافره ومرجعش منه مبسوط

برنامجنا مدته 4 ايام 3 ليالى، هنلف فيهم سيوة كلها حتة حتة، هنعمل سافارى وهنتعشى كل يوم فى مكان احلى من التانى، غير طبعًا المعابد وعيون المياة والبحيرات اللى هننزلها

تعالوا نقولكم تفاصيل برنامجنا ومواعيد رحلاتنا لسيوة الوقت الجاى

الاقامة

اقامتنا هتكون فى فندق  Siwatu Lodge، وبيجمع بين الرفاهية والنضافة والامان مع الستايل السيوى البسيط علشان اللى احنا مسافرين عشان نجرّبه ونعيشه

البرنامج

اليوم الاول

هنوصل نستلم الغرف فى الاوتيل ونستريح شوية من مجهود السفر

هنروح زيارة لجبل الموتى واحد من اشهر جبال سيوة وهندخل المقبرة الفرعونية اللى هناك

هنروح نتفرّج على الغروب من جزيرة فطناس

هنروح بعدها ناخد العشا بتاعنا 

وهنرجع على الاوتيل ناخد سهرتنا هناك عشان هنبقى اكيد لسه مُجهدين من مشوار السفر، وبكدة نبقى خلّصنا اليوم الاول

اليوم التانى

هناخد الفطار فى الاوتيل

هنتحرك على معبد آمون اللى يعتبر من اشهر معابد سيوة

هنروح زيارة لحصن شالى القديم، اقدم قلعة تاريخية فى سيوة

هنعمل سافارى بعربيات چيب فى بحر الرمال، رحلة مدتها خمس ساعات بنزور فيها البحيرة الباردة وعين المياه الساخنة، ومنطقة الحفريات، وبنعمل ساند بوردينج، وبناخد الشاى السيوى واحنا بنتفرج على الغروب من قلب بحر الرمال الاعظم

هنختم يومنا بالعشاء وناخد جولة حرة فى قلب المدينة نعمل شوبينج ونشترى المنتجات السيوية

اليوم التالت

هنصحى ناخد فطارنا فى الاوتيل كالعادة

هنتحرك لزيارة عين كيلوباترا، اشهر عين مياه عذبة فى سيوة

بعدها هنروح البحيرات المالحة، اللى درجة نقائها مالهاش زى فى مصر كلّها

هنطلع على كامب الشيخ على خالد، ناخد العشا هناك ونطلع جبل الدكرور اللى فى وش الكامب نحضر الغروب وننزل على طول على عين المياه السخنة اللى هناك اللى هتساعدنا نريلاكس خالص وننسى كل مجهود السفرية ونبقى ختمنا برنامجنا فى سيوة

اليوم الرابع

هنصحى ناخد فطارنا ونركب مواصلاتنا عشان نرجع القاهرة

المواعيد

المعاد الاول : من الجمعة 23 يناير حتى الاتنين 26 يناير

المعاد الثانى : من الخميس 29 يناير حتى الاحد 1 فبراير

مكان التحرك

نادى السكة الحديد بجوار بنزينة طاقة – طريق النصر – مدينة نصر

 نوع الانتقالات

سيارات حديثة مكيفة يتم تحديد سعتها حسب عدد المشتركين فى الرحلة “هايس – كوستر – باص كبير”

سعر الرحلة: 6500 جنيه للفرد

السعر شامل

الانتقالات ذهاب وعودة من القاهرة لسيوة باتوبيس حديث مكيّف

جميع الانتقالات داخل سيوة

الاقامة فى فندق ثلاثة ليالى بالإفطار فى غرف ثنائية وثلاثية

البرنامج بالكامل، جميع تذاكر دخول المزارات

مرشد سيوى طوال فترة الرحلة

وجبات العشاء فى الثلاثة ايام

كمان السعر يشمل رحلة السفارى، ولو مش حابب تعملها بيتم خصم مبلغ 650 جنيه في حالة الرغبة في الغاءها

الغرفة السنجل زيادة 1500 جنيه للفرد

زيادة 50 دولار على السعر للفرد الغير مصرى 

يعنى من الاخر مش هتحتاج تدفع فلوس فى اى حاجة تانى غير فى وجبات الغدا والشوبينج، وعادة مابيكونش فيه وقت نتغدى اصلا

كيفية الحجز

يتم الحجز بإرسال صورة البطاقة ومبلغ 3500 جنيه على رقم حسابنا وباقى المبلغ 3000  يتم دفعه فى اول ايام الرحلة

سياسة الالغاء

فى حالة الالغاء قبل الرحلة بأكتر من 14 يوم بيتم استرداد المبلغ بالكامل، بعد كدة بيكون المبلغ غير مسترد

وطبعا هايكون فيه جايد منTravellers  4 موجود معاكم لحظة بلحظة من بداية التحرك من القاهرة لحد مانرجع بالسلامة، كل دوره انه يتأكد انكم مبسوطين وانكم بتقضوا وقت جميل وبتنبسطوا بكل لحظة

لو عجبتك التفاصيل للرحلة وعايز تعرف اكتر

ف كل التفاصيل ديه موجودة فى فايل pdf  مترتب و واضح

نستأذنك تبعتلنا على رقم الواتساب و فى خلال اقل من 24 ساعة هتلاقى الفايل عندك

ترخيص شركة انتربوينت رخصة رقم ٢٤٥٠ أأ سجل ١٠٣٢٣٥