الرحلة ديه اثبتت على مدى السنين اللى فاتت انها علاج الاكتئاب ووصفة الروقان والاستجمام، اربع ايام اولهم بحر وتانيهم جبل وتالتهم نجوم وكلّهم روقان
برنامج رحلتنا …
اليوم الاول هنقضيه فى الكامب، هننزل البحر الصبح وبالليل هنتعشى وبعدها هنولّع نار ونشغّل مزيكا ونقعد نتفرج عالنجوم وعالشُهب، ومفيش مانع من براد شاى بدوى مع لفحة هوا البحر ينسيك القاهرة وقرفها
اما اليوم التانى هنصحى نفطر وبعدها هناخد العربية ونطلع على وادى الوشواشى نعمل هايك رايقة مدتها نص ساعة تقريبا بين الجبال وننزل بعدها المياه اللى فى الوادى ونقعد هناك ساعة تقريبا ونرجع تانى الكامب نحضر الغروب وننزل البحر نطلع نتعشى وناخد السهرة الرايقة بتاعتنا
تالت يوم هنرجع تانى للروقان والهدوء وهنقضى اليوم كله عالبحر مشغولين بالولا حاجة وبنعمل اللاشئ، وده الهدف الاساسى من الرحلة، الروقان والفصلان من الشغل والزحمة والدوشة..
اليوم الرابع هنصحى نفطر وناخد شنطنا ونرجع تانى عالقاهرة للاسف
الرحلة ديه رحلة الالعاب والمزيكا، الجايد بيسافر بدولاب العاب بورد جيمز كامل وسبيكر، وبنقضيها روقان ولعب ومزيكا طول ال3 ايام
غير الكامب اللى فيه طرابيزة بينج وبلياردو واكتر من قعدة رايقة سواء عالبحر او فى اماكن مقفولة
الاقامة
رحلتنا هتكون في سافارى بيتش كامب، واحد من اجمل وارقى كامبات جنوب سينا
الغرف كلها مكيفة بحمام خاص، اقامة هاف بورد فطار وعشا
الانتقالات
الانتقالات من القاهرة لنويبع والعكس هيكون بسيارات هاي اس 12 راكب حديثة ومكيفة
مكان التحرك: نادى السكة الحديد بجوار بنزينة طاقة، طريق النصر، مدينة نصر
المواعيد
مدة الرحلة 4 أيام 3 ليالى…
تاريخ الرحلة من 23 يوليو حتى 26 يوليو – “السفر يوم الثلاثاء 22يوليو بالليل”
السعر: 6250 جنيه للفرد
السعر شامل
الانتقالات ذهاب وعودة من القاهرة
الإقامة في فندق سافارى بيتش كامب هاف بورد – فطار وعشاء، غرف ثنائية وثلاثية
رحلة وادى الوشواشى
مرشد مرافق طول الرحلة
للحصول على غرفة سينجل اضافة 3000 جنيهللحصول على غرفة صف اول على البحر بمينى بار اضافة 900 جنيه
كيفية الحجز
يتم الحجز بإرسال صورة البطاقة ومبلغ 3000 جنيه على رقم حسابنا وباقى المبلغ 3250 يتم دفعه فى بحد اقصى 3 أيام قبل السفر
سياسة الإلغاء
فى حالة الإلغاء قبل الرحلة بأكتر 15 يوم بيتم استرداد المبلغ بالكامل، بعد كدة بيكون المبلغ غير مسترد
سياسة الأطفال
الطفل الأول: من 0 ل6 سنة ب 1200 جنية شامل مقعد فى الباص وبدون إضافة سرير
الطفل الأول: من 6 ل11 سنة ب 5000 جنية شامل مقعد فى الباص ووجبات وبدون إضافة سرير
الطفل الثانى: من 6 ل11 سنة ب 6000 شامل كل امتيازات الرحلة
وطبعا هايكون فيه جايد منTravellers 4 موجود معاكم لحظة بلحظة من بداية التحرك من القاهرة لحد مانرجع بالسلامة، كل دوره انه يتأكد انكم مبسوطين وانكم بتقضوا وقت جميل وبتنبسطوا بكل لحظة
اعظم ما فى الرحلة هتكون العيلة الجديدة اللى هتتكون، الناس اللى هيسافروا غُرب ويرجعوا عيلة واحدة، ده شعارنا ومبدأنا فى 4Travellers وخُدلك لفة فى الريڤيوهات قبل ماتاخد اى قرار
لو عجبتك التفاصيل للرحلة وعايز تعرف اكتر
نستأذنك تبعتلنا على رقم الواتساب
ترخيص شركة انتربوينت رخصة رقم ٢٤٥٠ أأ سجل ١٠٣٢٣٥
بجد من احسن وأحلى السفريات في حياتي مكنتش بحب السفر مع شريكات خالص بس السفر مع 4 Travellers كان حاجة تانية خالص الرحلة مكنتش هتكون حلوة كده و منظمة بالشكل ده نغيرهم.❤️ أختيار كل حاجة كان حلو اوي hotel, camps, اماكن أكل، محلات وكل حاجه كانت تحفة. بالنسبة للرحلات بقى الجدول كان حلو جدًا عملنا كل حاجة ومش متعب خالص كل مكان كان واخد حقه وكنا مبسوطين جدًا في كل مكان ، كان معانا tour guide شاطر جدًا جدًا من اهل سيوة عرفنا كل حاجة عن كل مكان وحكامنا قصص كتير حلوة اوي شكراً موحي .❤️
كل حاجة كانت منظمة المواعيد مظبوطة على طول معانا البص في كل مكان التحرك كان سهل جدًا وعملين حساب كل حاجة،organizers بيقولوا كل يوم محتاجين معانا ايه عشان محدش بنسى حاجة ومفيش اي وقت ممل عندهم مفاجئات مش بتخلص و كان معانا group جميل جدًا روحهم حلوه خلو الرحل منقدرش ننساها وعملنا اصحاب حلوين اوي❤️
شكراً جداً ❤️
David
Habashy
4 Travellers
من احسن الشركات اللي طلعت معاها رحلات حرفيا 😍
رحلة سيوة كانت تحفه وتنظيم ممتاز ودقة ف البروجرام اللي يعتبر مضيعناش فيه دقيقة واحده بدون استمتاع
أجمل 4 ايام اتمني يتكرروا بكل تفاصيلهم مع احلي واجمل جروب
كلنا حبينا بعض وكنا أسرة واحدة
وكنت قلقاانه علشان معايا بيبي سنه و 8 شهور وكنت حاسة أن ممكن حد يضايق بس كل الناس حبوه وكانوا بيلعبوا معاه وكان مبسوط جدا 🖤💜
احب اقدم الشكر ل چاك و أبانوب لكل اللي عملوه معانا فالرحلة وتعبهم عشان يوصلوا الرحلة ل انها تكون ممتعه من ال A to Z
اول مرة نطلع مع 4 travellers وان شاء مش هتكون اخر مرة 🖤