رحلة مدتها 4 ايام 3 ليالى هنزور خلالهم كل الشواطئ المعروفة وغير المعروفة فى مرسى علم
لو انت من محبى الدايڤنج والسنوركلينج وبتشدّك الوان السمك والشُعب المرجانية يبقى هات ودنك وتعالى عشان الكلام ده هايعجبك
برنامجنا فى مرسى علم مش مجرد اتوبيس وفندق، برنامجنا بنلف فيه كل شواطئ وكنوز مرسى علم سواء المشهور منها او اللى مش مشهور
اليوم الاول، يوم الوصول
اول مانوصل هنستلم الغرف ونستريح شوية من مجهود الطريق وبعدها هنقضى اليوم فى الشاطئ وحمامات السباحة الخاصة بالريزورت، بنعمل سنوركلينج وبنلعب waterball و Volleyball، بعدها هنحضر الغروب سوا عالبحر وبعدها نتعشى ونبقى خلّصنا اليوم الاول اللى هنقضيه فى الريزورت عشان نستريح من مجهود السفر ونستعد لتانى يوم
اليوم التانى، هنصحى نفطر وهننطلق لزيارة محمية القلعان اللى فى محمية وادى الجمال
وهناك هنتفرج على شجر المنجروف النادر وهنعرف القصة بتاعته، وهنشرب الجَبَنة “القهوة بالجنزبيل” ونتعرف على قبيلة العبابدة ونعرف ثقافات مختلفة تماما
اليوم خلص؟
لا لسه، الكريزة
شاطئ حنكوراب، شاطئ رملته لونها ابيض لامع ولما تنزل هتشوف اسماك اروع من ان كلام يوصفها
المكان ده كنز حقيقى موجود هنا فى بلدنا ومش كتير يعرفوه للاسف
هنخلّص اليوم الدسم ده وبعدها نرجع عالفندق نتعشى وناخد الشاورز ونسهر سوا ونرتاح من مجهود اليوم
اليوم التالت،بعد فرهضة اليوم التانى بنخلى الايقاع يهدى شوية، بنصحى براحتنا ونفطر وننزل البحر شوية وبعدها نتغدى ونتحرك على طول على شاطئ النيزك
الشط اللى اتكوّن نتيجة نزول نيزك من الفضاء ادّى لتكوين الفجوة اللى هننزلها بنفسنا ونشوف اثار بقايا النيزك ونتفرج عالكائنات البحرية اللى عايشة هناك
كمان لو حد حابب يغطس بنكون موفرين الاوبشن ده فى اليوم ده “فى الفندق بعد الفطار”
بنخلص وبنرجع الاوتيل ناخد شاورز ونتعشى ونجهز ونتحرك الساعة 9 مساءًا على بورتو غالب اللى بنقضى فيها سهرة لطيفة فى الكافيهات اللى فى مرسى اليخوت وبكدة نبقى ختمنا اليوم التالت.
اليوم الرابع، الرجوع للقاهرة
هنصحى نفطر ونجهّز شنطنا وننطلق فى رحلة الرجوع للقاهرة
الاقامة
اقامتنا هتكون فى فندق Amarina Queen Resort & Aqua Park مرسى علم، تصنيفه خمس نجوم ومكانه على البحر مباشرة، اقامة كاملة فطار غدا عشاء
الانتقالات
الانتقالات هتكون بباص خاص بينا موديل حديث، بيكون معانا طول مدة الرحلة ومش بيفارقنا خالص.
مكان التحرك: نادى السكة الحديد بجوار بنزينة طاقة، طريق النصر، مدينة نصر
المواعيد
مدة الرحلة 4 أيام 3 ليالى…
تاريخ الرحلة من 2 يوليو حتى 5 يوليو – “اجازة 30 يونيو”
السعر: 10,500 جنيه للفرد
السعر شامل
الانتقالات ذهاب وعودة من القاهرة
الإقامة في فندق امارينا كوين ريزوت فول بورد – فطار وغدا وعشاء، غرف ثنائية وثلاثية
البرنامج السياحى المذكور بالكامل، بكل الانتقالات الداخلية وتذاكر الدخول
مرشد مرافق طول الرحلة
للحصول على غرفة سينجل اضافة 4000 جنيه
للحصول على غرفة مطلة على البحر اضافة 900 جنيه
السعر لا يشمل
الغطس او اى انشطة اختيارية اخرى
كيفية الحجز
يتم الحجز بإرسال صورة البطاقة ومبلغ 5000 جنيه على رقم حسابنا وباقى المبلغ 5500 يتم دفعه فى بحد اقصى يوم 20 يونيو
سياسة الالغاء
فى حالة الإلغاء قبل الرحلة بأكتر 15 يوم بيتم استرداد المبلغ بالكامل، بعد كدة بيكون المبلغ غير مسترد
سياسة الاطفال
الطفل الأول: من 0 ل 11 سنة ب 2500 جنيه شامل مقعد فى الباص وبدون إضافة سرير
الطفل التانى: من 6 ل 11 سنة ب 6200 جنيه شامل مقعد فى الباص
“اضافة السرير للطفل يكون حسب الامكانية فى الفندق وقت التسكين“
وطبعا هايكون فيه جايد منTravellers 4 موجود معاكم لحظة بلحظة من بداية التحرك من القاهرة لحد مانرجع بالسلامة، كل دوره انه يتأكد انكم مبسوطين وانكم بتقضوا وقت جميل وبتنبسطوا بكل لحظة
لو عجبتك التفاصيل للرحلة وعايز تعرف اكتر
نستأذنك تبعتلنا على رقم الواتساب
ترخيص شركة انتربوينت رخصة رقم ٢٤٥٠ أأ سجل ١٠٣٢٣٥
بجد من احسن وأحلى السفريات في حياتي مكنتش بحب السفر مع شريكات خالص بس السفر مع 4 Travellers كان حاجة تانية خالص الرحلة مكنتش هتكون حلوة كده و منظمة بالشكل ده نغيرهم.❤️ أختيار كل حاجة كان حلو اوي hotel, camps, اماكن أكل، محلات وكل حاجه كانت تحفة. بالنسبة للرحلات بقى الجدول كان حلو جدًا عملنا كل حاجة ومش متعب خالص كل مكان كان واخد حقه وكنا مبسوطين جدًا في كل مكان ، كان معانا tour guide شاطر جدًا جدًا من اهل سيوة عرفنا كل حاجة عن كل مكان وحكامنا قصص كتير حلوة اوي شكراً موحي .❤️
كل حاجة كانت منظمة المواعيد مظبوطة على طول معانا البص في كل مكان التحرك كان سهل جدًا وعملين حساب كل حاجة،organizers بيقولوا كل يوم محتاجين معانا ايه عشان محدش بنسى حاجة ومفيش اي وقت ممل عندهم مفاجئات مش بتخلص و كان معانا group جميل جدًا روحهم حلوه خلو الرحل منقدرش ننساها وعملنا اصحاب حلوين اوي❤️
شكراً جداً ❤️
David
Habashy
4 Travellers
من احسن الشركات اللي طلعت معاها رحلات حرفيا 😍
رحلة سيوة كانت تحفه وتنظيم ممتاز ودقة ف البروجرام اللي يعتبر مضيعناش فيه دقيقة واحده بدون استمتاع
أجمل 4 ايام اتمني يتكرروا بكل تفاصيلهم مع احلي واجمل جروب
كلنا حبينا بعض وكنا أسرة واحدة
وكنت قلقاانه علشان معايا بيبي سنه و 8 شهور وكنت حاسة أن ممكن حد يضايق بس كل الناس حبوه وكانوا بيلعبوا معاه وكان مبسوط جدا 🖤💜
احب اقدم الشكر ل چاك و أبانوب لكل اللي عملوه معانا فالرحلة وتعبهم عشان يوصلوا الرحلة ل انها تكون ممتعه من ال A to Z
اول مرة نطلع مع 4 travellers وان شاء مش هتكون اخر مرة 🖤