المكس بين الانشطة فى دهب والروقان فى نويبع هو مكس ناجح بشهادة كل خبراء السياحة، وعشان كدة هتلاقى هنا معادين مختلفين خلال الوقت الجاى لبرنامج رايق هتلف بيه دهب كلها وتروح تختم بليلة رايقة فى نويبع بحيث ترجع القاهرة اروق مالروقان
برنامج رحلتنا …
اول يوم فى دهب
هنوصل الاوتيل بدرى هنسيب شنطنا فى الريسبشن وناخد لفه على البحر فى اى مكان رايق، وبعدها هنرجع الاوتيل الساعة 12 علشان نستلم الغرف، هنستلم الاوض ونستريح شوية، وبعدها هناخد عربيات نتحرك على شاطئ اللاجونا واحد من اجمل الشواطئ الرملية فى دهب
هنقضى اليوم هناك و نتفرج على غروب الشمس وبعدها نرجع عالاوتيل ناخد شاورز ونقضى باقى اليوم فى الممشى بين المطاعم والكافيهات ننقى مكان حلو نقعد فيه كلنا سوا الجروب يتعرف على بعض وكمان بيبقى معانا board games حلوة بنقضى بيها سهرة رايقة وبكدة نبقى خلصنا اليوم الاول
تانى يوم فى دهب
واليوم ده احنا مخصصينه لزيارة البلو هول وديه مصنفة عالميا من اجمل المحميات الطبيعية ومن أفضل 10 اماكن للغطس في العالم، وكمان هناخد اللانشات السريعة من هناك وبعدها العربيات المفتوحة عشان نوصل لشط البلو لاجوون اللى بيعتبر اروق شط فى دهب وفى الوطن العربى كله
اليوم ده بيكون طويل شوية بس بيكون من احلى الايام فى الرحلة كلها..
تالت يوم فى دهب
هنصحى ناخد الفطار و نطلع عالبحر على طول، هنروح (الثرى بولز) من احلى شواطئ السنوركلينج فى دهب ،هنقضى النص الاول من اليوم هناك نعمل سنوركلينج ونتفرج عالشعب المرجانية والاسماك، اما بعد مانرجع الاوتيل وناخد شاورز ف عندنا جولة حرة فى دهب ومعانا وقت فاضى للى يحب يسهر فى جبل الطويلات او يحب يعمل سافارى بيتش باجى ونرجع نسهر سهرة رايقة نختم بيها دهب ونستعد لنويبع
اليوم الرابع فى نويبع / الروقان كله
من اول هنا خلاص، خلّصنا..
مفيش برنامج ولا حاجة
من اول دلوقتى احنا انتخة وبس
هنطلع عالكامب بتاعنا فى نويبع، اسمه Safari Beach Camp
كامب وواحد من اجمل الاماكن اللى ممكن تقعد فيها، وهناك هنعيش تجربة الكامبينج على البحر مباشرة..
النجوم فوقيك والجبل فى ضهرك وهناك هنروح نريلاكس وننسى الدنيا باللى فيها!
ورغم ان ده كامب على البحر الا اننا نحب نقولكم ان كل غرف الكامب بتكون مُكيّفة وبحمَام خاص وان الكامب فيه معظم رفاهيات الفنادق ولكن ببساطة وروقان الكامبات
اليوم الخامس
هنصحى نفطر ونتحرك عالقاهرة ان شاء الله
الاقامة
اقامتنا في دهب في فندق full moon dahab ومكانه وفى قلب الممشى السياحى، اما الاقامة في نويبع فى Safari Beach Camp وده واحد من احلى الكامبات فى نويبع، غرف كلها مكيفة بحمام خاص..
الانتقالات
سيارات هايس 12 راكب موديلات حديثة توصّلنا دهب فى حدود ال7 ساعات ان شاء الله
المواعيد
مدة الرحلة 5 ايام 4 ليالى…
تاريخ الرحلة من 23 يوليو الي 27 يوليو – “السفر 22 يوليو بليل”
السعر: 6750 جنيه للفرد
السعر شامل
الاقامة 3 ليالى فى فندق full moon dahab بالفطار، والاقامة ليلة فى سافارى بيتش كامب فى نويبع بالفطار والعشاء
كل الانتقالات: القاهرة – دهب – نويبع – القاهرة
البرنامج المذكور بالكامل، زيارة اللاجونا فى اليوم الاول، وزيارة البلو هول والبلو لاجون والمراكب فى اليوم التانى، وزيارة محمية الثرى بولز فى اليوم التالت
فيه امكانية اضافة 3200 جنيه على سعر البرنامج والحصول على غرفة سينجل
كيفية الحجز
يتم الحجز بإرسال صورة البطاقة ومبلغ 3000 جنيه على رقم حسابنا وباقى المبلغ يتم دفعه فى اول ايام الرحلة
سياسة الالغاء
فى حالة الالغاء قبل الرحلة بأكتر اسبوعين بيتم استرداد المبلغ بالكامل، بعد كدة بيكون المبلغ غير مسترد للاسف
سياسة الاطفال
الطفل من 2 ل 7,99 سنة: 3000 جنيه “بدون سرير”
اكبر من 8 سنوات يُعامل كفرد بالغ
وطبعا هايكون فيه جايد من Travellers 4 موجود معاكم لحظة بلحظة من بداية التحرك من القاهرة لحد مانرجع بالسلامة، كل دوره انه يتأكد انكم مبسوطين وانكم بتقضوا وقت جميل وبتنبسطوا بكل لحظة
اعظم ما فى الرحلة هتكون العيلة الجديدة اللى هتتكون، الناس اللى هيسافروا غُرب ويرجعوا عيلة واحدة، ده شعارنا ومبدأنا فى 4Travellers وخُدلك لفة فى الريڤيوهات قبل ماتاخد اى قرار
لو عجبتك التفاصيل للرحلة وعايز تعرف اكتر
نستأذنك تبعتلنا على رقم الواتساب
ترخيص شركة انتربوينت رخصة رقم ٢٤٥٠ أأ سجل ١٠٣٢٣٥
بجد من احسن وأحلى السفريات في حياتي مكنتش بحب السفر مع شريكات خالص بس السفر مع 4 Travellers كان حاجة تانية خالص الرحلة مكنتش هتكون حلوة كده و منظمة بالشكل ده نغيرهم.❤️ أختيار كل حاجة كان حلو اوي hotel, camps, اماكن أكل، محلات وكل حاجه كانت تحفة. بالنسبة للرحلات بقى الجدول كان حلو جدًا عملنا كل حاجة ومش متعب خالص كل مكان كان واخد حقه وكنا مبسوطين جدًا في كل مكان ، كان معانا tour guide شاطر جدًا جدًا من اهل سيوة عرفنا كل حاجة عن كل مكان وحكامنا قصص كتير حلوة اوي شكراً موحي .❤️
كل حاجة كانت منظمة المواعيد مظبوطة على طول معانا البص في كل مكان التحرك كان سهل جدًا وعملين حساب كل حاجة،organizers بيقولوا كل يوم محتاجين معانا ايه عشان محدش بنسى حاجة ومفيش اي وقت ممل عندهم مفاجئات مش بتخلص و كان معانا group جميل جدًا روحهم حلوه خلو الرحل منقدرش ننساها وعملنا اصحاب حلوين اوي❤️
شكراً جداً ❤️
David
Habashy
4 Travellers
من احسن الشركات اللي طلعت معاها رحلات حرفيا 😍
رحلة سيوة كانت تحفه وتنظيم ممتاز ودقة ف البروجرام اللي يعتبر مضيعناش فيه دقيقة واحده بدون استمتاع
أجمل 4 ايام اتمني يتكرروا بكل تفاصيلهم مع احلي واجمل جروب
كلنا حبينا بعض وكنا أسرة واحدة
وكنت قلقاانه علشان معايا بيبي سنه و 8 شهور وكنت حاسة أن ممكن حد يضايق بس كل الناس حبوه وكانوا بيلعبوا معاه وكان مبسوط جدا 🖤💜
احب اقدم الشكر ل چاك و أبانوب لكل اللي عملوه معانا فالرحلة وتعبهم عشان يوصلوا الرحلة ل انها تكون ممتعه من ال A to Z
اول مرة نطلع مع 4 travellers وان شاء مش هتكون اخر مرة 🖤