اجمل الجزر فى اوروبا والبحر المتوسط، هنقضى هناك اسبوع كامل كله activities مفيهوش ولا يوم فاضى، تعالوا ناخدكم لرحلة رايقة صعب حد يسافرها ويرجع مش مبسوط

اليوم الاول 

هنسافر من القاهرة على طيران مصر للطيران وهنوصل مطار لارنكا هنخلص الاجراءات ونستلم الشنط ونشتري خط ونطلع نلاقي الباص مستنينا .

هنتحرك من المطار على اول مدينة لينا ودي تقريبا ساعة من المطار وهي مدينة ليماسول ودي المدينة اللي هنقعد فيها اول 4 ايام في الرحلة .

بعد مانستلم الاوض ونريح عشان ننزل نستكشف المنطقة حوالين الاوتيل بليل .

اليوم التاني

اليوم ده بقى هنطلع نستكشف جبال ترودوس العظيمة .

هنبدا اليوم بزيارة قرية lofou وبعدها هنزور دير timios stavros وده الموجود في قرية امودوس وبعدها هنعمل هايك خفيفة كدا علشان نوصل لشلال millomeris واحد من اكبر شلالات قبرص .

وهنختم اليوم بغداء في platres قبل مانرجع تاني للفندق .

وبليل هننزل نتمشى علشان نسهر على المارينا في ليما سول .

اليوم التالت 

اليوم ده هيكون عندنا كذا وقفة في اولهم منطقة kourion والمنطقة دي تتبع المملكة المتحدة وفيها اثار يونانية  قديمة وفيها اقدم مسرح يوناني في قبرص .

وبعد كده هنروح نزور صخرة افروديت اله الجمال عند اليونانيين .

اما الجزء التالت من اليوم ف ده الروقان بقى هناخد مركب ونروح بيها للblue lagoon 

وبعدها واحنا راجعين هنقف نتمشى على المارينا في بافوووس.

اليوم الرابع 

اليوم ده بقى هنروح نيقوسيا وهناك هنجرب اغرب حاجة ممكن تجربها في حياتك وهنشوف اغرب حدود بين بلدين .

قبرص مقسومة لجزئيين جزء تركي وجزء يوناني احنا هنعدي من الجزء اليوناني للجزء التركي وكاننا بنزور بلدين مختلفين عن بعض تماما في نفس اللحظة .

واحنا رجعين من نيقوسيا على الفندق هنقف عند قرية lefkara ودي من اشهر القرى في قبرص ومعروفة بالsouvenirs 

اليوم الخامس 

 هنسيب الفندق بتاع ليماسول وهنتحرك على الفندق التاني في ايانابا هيبقى عندنا وقفة في larnaca في اكبر شوبينج مول في لانكا وكمان هيكون عندنا وقت نزور كنيسة لعازر.

وفي اخر اليوم هنزور كبرى العشاق love bridge وكمان بعدها هنروح لcape greco & sea caves

ودي مجموعة من الكهوف على البحر المشهورة بيها قبرص .

وبعد كدا هنروح نتسكن في الاوتيل في ايانابا ونستمتع بالسهر هناك بليل .

اليوم السادس 

وده بقى من اروق ايام السفرية 

هنروح نستمتع بشاطئ nissi beach واحد من احلى شواطئ قبرص كلها وهنقضي اليوم كله فيه .

اليوم السابع 

اليوم ده هيكون free في قبرص 

لو حابيين تعملوا شوبينج او تروحوا تلفلوفلوا براحتكم او تقضوه على البحر .

او ترتبوا اي اكتيفيتيز تانيه _بتكلفة اضافية_ مش موجودة في البرنامج واحنا برضوا هنكون معاكم وهنساعدكم انكم تحجزوها زي مثلا تروحوا الاكوابارك waterworld 

او قضوا اليوم على مركب Ayia Nape black pearl cruise

او ترتيب رحلة لزيارة famagusta ghost city 

اليوم الثامن 

اخر يوم لينا في قبرص هنصحى ناخد فطارنا وبعد كدا هيبقى معانا وقت حر نعمل check out من الفندق ونتحرك للمطار وناخد الطيارة هوووووب على مصر .

الإقامة في 

Limassol 

Odysseia hotel kapetanios

الإقامة في Ayia Napa

cosmo napa boutique hotel

 مواعيد الرحلة 

السعر غير شامل 

تأشيرة قبرص وسعرها 90 يورو واحنا هنساعدك فى فى تجهيز كل اوراقها
 البوكيت مانى

تاشيرة قبرب بسيطة جدا، ولو انت جهزت الورق اللى هنقولك عليه دلوقتى تقدر تعتبر ان تأشيرتك مضمونة مميش رفض
عشان تاخد تأشيرة قبرص محتاج يبقى معاك 5 حاجات:
• اصل الباسبور بتاعك، ويكون باقى على انتهاءه اكتر من 6 شهور.
• شهادة تحركات مترجمة انجليزى من العباسية وتامين امان على الباسبور ودول مشوار واحد يوم السبت للجوزات في العباسية يخلص
• صورتين 4*6 بخلفية بيضا وتكون صورة حديثة ولازم تكون مختلفة عن صورة الباسبور
• تروح البنك بتاعك وتطلب منهم “كشف حساب بنكى لل6 شهور السابقين”، ولازم يكون مختوم من البنك.
ولو مش معاك كشف حساب خاص بيك يكون فيه اكتر من 80 الف للفرد تقدر تقدم كشف الحساب بتاع والدك او والدتك مع تفويض منهم
• تبعت لل Rبتوع شركتك وتطلب منهم R letterو اللى هو اسمه بالعربى “خطاب من جهة العمل”، وتقولهم انك عايزه بالانجليزي وموجّه الى سفارة قبرص. ولو انت مش موظف فى شركة وعندك شغل خاص، يبقى بدل ال HR letterهتجيب صورة من السجل التجارى وبطاقة ضريبية برضه بالانجليزى ويكونوا مختومين.

ملاحظات
• يعفي من تأشيرة قبرص أصحاب تأشيرات الشنجن المتعدد والمستخدمة والسارية حتى تاريخ العودة من الرحلة.
• وارد تبديل او تغير أيام من البرنامج طبعا لظروف الطقس
• تكلفة الغرف الفردية 350 يورو زيادة في المدة بالكامل.
• المواعيد في الرحلة دى sharpجدا علشان نلحق نزور كل الأماكن اللى في البرنامج
• أي تأخير او تخلف عن ميعاد التجمع والرحلات من طرف العميل لا تعاد الرحلة ولا تسترد قيمتها.
• في حالة الرغبة من طرف العميل في إلغاء اى أنشطة مشمولة في السعر لابد من الإبلاغ قبل السفر حتى نستطيع رد ثمنها للعميل ولا يمكن إلغاء اى أنشطة مشمولة أثناء الرحلة.
• هذا الملف بمثابة العقد بكل ما ورد فيه بمجرد سداد مقدم حجز الرحلة يعد موافقة غلي كل ما ورد فيه
• مطلوب استخراج اذن سفر من الجيش لو مكتوب في سن التجنيد في الباسبور
• غير مسؤلين عن أي تأخير أو تعديل أو إلغاء في رحلة الطيران ناتج عن الظروف الجوية و أحوال الطقس حيث أن ذلك مسؤولية شركة الطيران كاملة التي تتكفل بحل المشكلة طبقا لسياستها
• التسكين واستلام الغرف في الفنادق يبدأ من الساعة 2 للساعه 3 ضهرا وعند مغادرة الفندق تسليم
الغرف الساعة 11 الضهر

سياسة الالغاء

• حتى 60 يوم قبل موعد السفر : يتم استرداد المبلغ بالكامل , مع خصم الرسوم المحددة من شركة الطيران (في حالة إصدارها)
• • من 30 إلى 60 يوم قبل موعد السفر:
  إذا قرر العميل إلغاء الحجز، يتم خصم 5000 جنيه فقط من المقدم المدفوع، بالإضافة إلى الرسوم المحددة من شركة الطيران (في حالة إصدارها).
  • في حالة الإلغاء في أقل من 30 يوم قبل موعد السفر:
  يتم خصم المقدم المدفوع بالكامل.
  • استرداد المبلغ:
  يتم استرداد المبلغ بنفس طريقة الحجز مع خصم أي مصاريف بنكية مستحقة.

وطبعا هايكون فيه جايد منTravellers 4 موجود معاكم لحظة بلحظة طول ما انت في قبرص، كل دوره انه يتأكد انكم مبسوطين وانكم بتقضوا وقت جميل وبتنبسطوا بكل لحظة

لو عجبتك التفاصيل المبدئية للرحلة وعايز تعرف باقى التفاصيل زى “الفنادق وصورها، برنامج كل يوم، مواعيد الطيران وطريقة الحجز”

ف كل التفاصيل ديه موجودة فى فايل pdf  مترتب و واضح

نستأذنك تبعتلنا على رقم الواتساب و فى خلال اقل من 24 ساعة هتلاقى الفايل عندك

ترخيص شركة انتربوينت رخصة رقم ٢٤٥٠ أأ سجل ١٠٣٢٣٥